मुंबई (प्रतिनिधी गणेश तळेकर) : ज्येष्ठ गायिका लता मंगेशकर यांना ८ जानेवारी रोजी मुंबईतील ब्रीच कँडी रुग्णालयात दाखल करण्यात आले आहे. त्या आयसीयूमध्ये असून त्यांची प्रकृती स्थिर आहे. मात्र, सोशल मीडियावर त्यांच्याबद्दल वेगवेगळ्या प्रकारच्या बातम्या सुरू आहेत. अशा परिस्थितीत लता मंगेशकर यांच्या ट्विटर हँडलवरून त्रासदायक बातम्या थांबवण्यास सांगण्यात आले आहे. याशिवाय केंद्रीय मंत्री स्मृती इराणी यांनीही ट्विट करून लोकांना अफवा पसरवू नका असे आवाहन केले.
लता मंगेशकर यांच्या ट्विटर अकाऊंटवरून ट्विट करण्यात आले आहे की, ‘तुम्हा सर्वांना विनंती आहे की, विचलित करणाऱ्या अफवा पसरवू नका. ब्रीच कँडी हॉस्पिटलचे डॉ. प्रती समदानी यांनी अपडेट देताना सांगितले की, लता दीदी आधीच्या तुलनेत सुधारणा दिसून येत आहे आणि त्यांच्यावर आयसीयूमध्ये उपचार सुरू आहेत. आम्ही त्यांच्या लवकरात लवकर बरे होण्याची आणि घरी परतण्यासाठी प्रार्थना करत आहोत.
Heartfelt request for the disturbing speculation to stop.
Update from Dr Pratit Samdani, Breach Candy Hospital.
Lata Didi is showing positive signs of improvement from earlier and is under treatment in the ICU.
We look forward and pray for her speedy healing and homecoming.
— Lata Mangeshkar (@mangeshkarlata) January 22, 2022
स्मृती इराणी यांनी त्यांच्या ट्विटर हँडलवर लता मंगेशकर यांच्या डॉक्टरांच्या वक्तव्याची एक नोट शेअर केली आहे. त्यासोबत त्यांनी लिहिले की, ‘लता दीदींच्या कुटुंबीयांकडून अफवा पसरवू नका अशी विनंती आहे. त्या उपचारांना चांगला प्रतिसाद देत असून लवकरच त्या बरी होऊन देवाच्या आशीर्वादाने घरी परतणार आहेत. कोणतीही अटकळ टाळा आणि लता दीदींच्या लवकरात लवकर बरे होण्यासाठी प्रार्थना करत राहा.
Request from Lata Didi’s family to not spread rumours. She is responding well to treatment and god willing will return home soon. Let us avoid speculation & continue to pray for Lata Didi’s speedy recovery and wellbeing. pic.twitter.com/1HQlULjV8j
— Smriti Z Irani (@smritiirani) January 22, 2022
९३ वर्षीय लता मंगेशकर यांनी आपल्या सात दशकांच्या कारकिर्दीत विविध भारतीय भाषांमध्ये ३० हजार गाणी गायली आहेत. २००१ मध्ये ‘भारतरत्न’ या सर्वोच्च नागरी पुरस्काराने सन्मानित झालेल्या लता मंगेशकर यांना १९८९ मध्ये दादासाहेब फाळके पुरस्कारानेही सन्मानित करण्यात आले आहे.
