नवी दिल्ली (उपसंपादक जीवन षाकया) : भारत सरकारने २०२२ या वर्षासाठीच्या पद्म पुरस्कारांची घोषणा केली असून देशाचे संरक्षण दल प्रमुख जनरल बिपीन रावत , उत्तर प्रदेशचे माजी मुख्यमंत्री कल्याण सिंह आणि गीता प्रेसचे अध्यक्ष राधेश्याम खेमका यांना मरणोत्तर पद्मविभूषण पुरस्कार जाहीर करण्यात आला आहे तर ज्येष्ठ शास्त्रीय गायिका प्रभा अत्रे यांनाही पद्मविभूषणने सन्मानित करण्यात येणार आहे.
मायक्रोसॉफ्टचे सीईओ सत्यनारायण नाडेला, अल्फाबेटचे सीईओ सुंदर पिचाई, सीरम इन्स्टिट्युटचे व्यवस्थापकीय संचालक सायरस पूनावाला, काँग्रेस नेते गुलाम नबी आझाद, पश्चिम बंगालचे माजी मुख्यमंत्री बुद्धदेव भट्टाचार्य यांना पद्मभूषण तर ऑलिम्पिक सुवर्णपदक विजेता नीरज चोप्रा, प्रमोद भगत, वंदना कटारिया, गायक सोनू निगम यांना पद्मश्री पुरस्कार जाहीर करण्यात आला आहे. यंदा एकूण चार पद्मविभूषण, १७ पद्मभूषण तर १०७ पद्मश्री पुरस्कार जाहीर करण्यात आले आहेत. विविध क्षेत्रांत आपल्या कामगिरीचा ठसा उमटवणाऱ्या मान्यवरांना या पुरस्कारांत स्थान मिळाले आहे.
बिपीन रावत यांचे गेल्या ८ डिसेंबर रोजी कुन्नूरजवळ झालेले हेलिकॉप्टर दुर्घटनेत निधन झाले होते. त्यांच्या निधनाने देशावर मोठा आघात झाला होता. रावत यांनी भारतीय लष्करात केलेल्या भरीव कामगिरीसाठी त्यांना पद्मविभूषणने सन्मानित केले जाणार आहे. उत्तर प्रदेशचे माजी मुख्यमंत्री आणि भाजपचे ज्येष्ठ नेते कल्याण सिंह हे दिग्गज नेत्यांपैकी एक होते. राम मंदिर आंदोलनाच्या उभारणीत त्यांचे महत्त्वाचे योगदान होते. सार्वजनिक क्षेत्रातील भरीव कामगिरीसाठी त्यांना पद्मविभूषण जाहीर करण्यात आला.
Govt announces Padma Awards 2022
CDS Gen Bipin Rawat to get Padma Vibhushan (posthumous), Congress leader Ghulam Nabi Azad to be conferred with Padma Bhushan pic.twitter.com/Qafo6yiDy5
— ANI (@ANI) January 25, 2022
गुलाम नबी आझाद, बुद्धदेव भट्टाचार्य, मधूर जाफरी, राजीव महर्षी, सत्या नडेला, सुंदर पिचाई, व्हिक्टर बॅनर्जी, गुरमीत बावा (मरणोत्तर), ,नटराजन चंद्रशेखरन, कृष्ण एल्ला आणि सुचित्रा एल्ला, देवेंद्र झाझरिया, राशिद खान, सायरस पूनावाला, संजय राजाराम, प्रतिभा राय, स्वामी सच्चिदानंद, वशिष्ठ त्रिपाठी.
