पुणे येथे पुण्यात जुगार अड्ड्यावर गुन्हे शाखेची धाड; १२ जणांना अटक

jugar

पुणे (जिल्हा प्रतिनिधी हितेंद्र पाटील) : बुधवार पेठेतील एका इमारतीत सुरु असलेल्या जुगार अड्यावर गुन्हे शाखेच्या सामाजिक सुरक्षा विभागाने छापा टाकून १२ जणांना जेरबंद केले आहे.

या प्रकरणी अतुल अरुण उमापती, सुहास संतोष दाकले, महादेव गौतम डोकेफोडे, भोलेनाथ राजू बनसोडे, इंद्रजीत विनोद पाटील, निखिल मारुती मारणे, परशुराम चर्मकानी नाडर, तुकाराम तानाजी मारणे, मंदार बंडोपंत काळे, तुषार मिलिंद बहुले, निखिल नंदकुमार क्षीरसागर, ऋषिकेश दत्तात्रय जाधव यांना अटक केली आहे.

पोलिसांनी केलेल्या या कारवाईत रोख रक्कम तसेच जुगार खेळण्यासाठी लागणारे साहित्य असा एकूण ७७ हजार रुपयांचा मुद्देमाल जप्त केला आहे. अटक करण्यात आलेल्या आरोपींवर फरासखाना पोलीस ठाण्यात महाराष्ट्र जुगार प्रतिबंधक कायद्यान्वये गुन्हा दाखल करण्यात आला आहे.

बुधवार पेठेतील क्रांती हॉटेलजवळील एका इमारतीमध्ये जुगार अड्डा सुरु असल्याची माहिती सामाजिक सुरक्षा विभागाला मिळाली. त्यानुसार पथकाने जुगार अड्ड्यावर छापा टाकला. त्यावेळी जुगार अड्ड्याचा मालक तसेच जुगार खेळण्यासाठी आलेल्या आरोपींना ताब्यात घेतले. त्यांच्याकडून ७७ हजार रुपये किमतीचा मुद्देमाल जप्त केला आहे.

LEAVE A REPLY

Please enter your comment!
Please enter your name here