दक्षिण दिल्लीतील मालवीय नगरात एका युवकाची चाकूने भोसकून निर्घृण हत्या

murder-in-new-delhi

नवी दिल्ली (उपसंपादक जीवन षाकया) : दक्षिण दिल्लीतील मालवीय नगरात एका युवकाची चाकूने भोसकून निर्घृण हत्या केल्याची धक्कादायक घटना घडली आहे. या तरूणाची ४ ते ५ जणांनी मिळून आतील रस्त्यावर हत्या केली आहे. गजबजलेल्या बाजारात असलेल्या आतील भागात हे हत्याकांड झाला आहे. मयंक पवार (वय २२) असं या हत्या झालेल्या तरूणाचं नाव आहे. मयंकने हॉटेल मॅनेजमेंटचे शिक्षण घेतलं होते. या हत्येचा थरार सीसीटीव्हीमध्ये कैद झाला आहे. मारेकरी फरार असून पोलीस त्यांचा शोध घेत आहेत.

 

११ ऑगस्ट रोजी मालवीय नगर भागातील बेगमपूर येथील किल्ल्यात २२ वर्षीय मयंक आपल्या मित्रासोबत बसला होता. त्यानंतर मयंक बद्दल ४-५ अज्ञात लोकांशी वाद झाला. मयंक आणि त्याच्या मित्रावर ४-५ मुलांनी दगडफेक केली. मयंक आणि त्याचा मित्र जीव वाचवून किल्ल्यावरून पळाले. आरोपींनी मयंकचा किल्ल्यावरून पाठलाग केला. मालवीय नगर परिसरातील डीडीए मार्केटमध्ये तो पोहोचला आणि त्यानंतर मयंकला घेराव घालून गजबजलेल्या परिसरातच धारदार चाकूने हल्ला केला. आरोपी टोळके मयंकवर चाकूने सपासप वार करताना बाकीचे लोक मात्र केवळ बघ्याची भूमिका घेताना दिसून आले. हा सर्व प्रकार सीसीटीव्हीमध्ये स्पष्टपणे दिसत आहे.

 

मयंकच्या मित्राने रस्स्यावरील लोकांच्या मदतीने मयंकला जखमी अवस्थेत एम्समध्ये दाखल केले. तेथे उपाचारादरम्यान त्याच मृत्यू झाला. या प्रकरणी कुटुंबीय पोलिसांवर गंभीर आरोप करत आहेत. मृतदेह हॉस्पिटलमध्ये आहे मात्र शवविच्छेदन होत नाही. तपास अधिकारी नियुक्त करण्यात आला आहे. तो त्याच्या वैयक्तिक कामात आणि फक्त कागदोपत्री कामात व्यस्त आहे. या प्रकरणी कोणाला अटक झाली की नाही, याची माहितीही दिली जात नाही किंवा घटनेबाबत काहीही सांगतिलं नाही, असा आरोपही मयंकच्या कुटुंबीयांनी केला आहे.

LEAVE A REPLY

Please enter your comment!
Please enter your name here