जळगाव (संपादक सुनिल पाटील) : आज जळगाव जिल्हा युवक काँग्रेसच्या वतीने जिल्हाध्यक्ष देवेंद्र मराठे यांच्या नेतृत्वाखाली शहरातील भारतीय स्टेट बँकेसमोर केले मोदी सरकार विरोधात निषेध आंदोलन केले.
जिल्हाध्यक्ष देवेंद्र मराठे म्हणाले कि, केंद्रातील मोदी सरकारने निवडक उद्योगपतींवर मेहेरबानी दासवत सामान्य माणसाचा कष्टाचा पैसा धोक्यात टाकला आहे. अदानी उद्योग समुहामध्ये एलआयसी, स्टेट बँक ऑफ इंडिया व सार्वजनिक क्षेत्रतील वित्तीय संस्थांना कोटयावधी रुपये गुंतवणुकीस मोदी सरकारने भाग पाडले एलआयसी चे २२ कोटी गुंतवणूकदार व स्टेट बँकेच्या ३९ कोटी खातेदारांना कष्टाचा पैसा परत मिळेल का? अशी भीती निर्माण झाली आहे. एलआयसी व स्टेट बँक ऑफ इंडिया आपल्या देशाचे गौरव आहेत. या वित्तीय संस्थांमध्ये सर्वसामान्य मध्यमवर्ग, नोकरदार छोटे व्यापारी यांनी आपल्या नेहमीच्या पैसा गुंतला आहे. परंतु मोदी सरकारने अदानींच्या कंपन्यामध्ये हा पैसा जबरदस्तीने गुंतवता आहे. अदानी समुहातील एलआयसीच्या ३९ कोटी पॉलिसीधारक व गुंतवणुकदाराचे ३३ हजार कोटी रुपयांचे नुकसान झाले आहे. तसेच भारतीय स्टेट बैंक व इतर बँक मधुन तब्बल ८० हजार कोटी रुपयांचे कर्ज दिले आहे.
काँग्रेस पक्ष कोणत्याही उद्योगपतीच्या विरोधात नाही परंतु खास उद्योगपतींसाठी नियम बदलून जनतेचा पैसा धोक्यात आणण्यास विरोध आहे. काँग्रेस पक्ष नेहमीच सामान्य जनतेच्या पाठीशी उभा राहिला आहे. अदानी उद्योग समूहाच्या गैरकारभाराची चौकशी व्हावी.तसेच मोदी साहेबांनी या विषयावर संसद मध्ये चर्चा करावी..
अदानी समुहातील आर्थिक गैरकारभाराचा पर्दाफाश करणान्या हिडनवर्ग संस्थेच्या अहवालाची संयुक्त संसदीय समितीतर्फे चौकशी व्हावी अथवा सर्वोच्च न्यायालयातील मुख्य न्यायाधिशांच्या देखरेखीखाली चौकशी करावी.
एलआयसी, स्टेट बँक ऑफ इंडिया व इतर सरकारी वित्तीय संस्थांमधील अदानी समुहात केलेल्या मोठ्या गुंतवणुकीसंदर्भात संसदेत चर्चा व्हावी व गुंतवणुकदारांच्या पैशाला संरक्षण मिळावे यासाठी सरकारने योग्य ते निर्णय घ्यावेत. संबंधीत निवेदनात संबंधीत अधिकाऱ्याना सुचना देवून चौकशी करावी.
याप्रसंगी युवक काँग्रेस जिल्हाध्यक्ष देवेंद्र मराठे, माजी आ ईध्वर जाधव, महानगर अध्यक्ष शाम तायडे, युंवक शहराध्यक्ष मुजीब पटेल, प्रदीप पवार, प्रदीप सोनावणे, शंकर राजपूत, साकीना तडवी, ऐश्वर्या राठोड, अनिल निकम, देवेन्द्र सिंग पाटील, जगदीश गाढे ज्ञानेश्वर कोळी, रमेश शिंपी, रवी जाधव, भारत पाटील, कादिर खान, अनिल जंजाळे, पुंजाजी पाटील, फैजान शहा,पदाधिकारी उपस्थित होते…
