जळगाव (कार्यकारी संपादक समाधान पाटील) । शहरातील छत्रपती शिवाजी महाराज क्रीडा संकुलात असलेल्या जलतरण तलावात २२ वर्षीय फळविक्रेत्या तरुणाचा रविवारी सायंकाळी बुडून मृत्यू झाला. त्याला पोहता येत नव्हते आणि ही बाब जीवनरक्षकांना सांगितलेली होती, असा दावा त्याला तरणतलावावर घेऊन येणाऱ्या मित्रांनी केला आहे
दुसरीकडे पोहोण्याची वेळ संपल्यानंतर ही घटना घडल्याचा दावा जीवनरक्षकाच्या हवाल्याने जिल्हा क्रीडा अधिकारी करीत आहेत.
दरम्यान, तरणतलावावरील सीसीटीव्ही कॅमेरे बंद असून क्रीडा विभागाने कर्मचाऱ्यांअभावी सर्व जबाबदारी कंत्राटदारावर टाकली असल्याची बाबही या निमित्ताने समोर आली आहे. काही वर्षांपूर्वी या तरणतलावात यश हेमंत शहा नामक ११ वर्षे वयाच्या मुलाचा बुडून मृत्यू झाला होता.
