तिरुवनंतपुरम : येथे दहावीच्या विद्यार्थिनीवर झालेल्या क्रूर अत्याचाराच्या प्रकरणात ३ जणांना अटक करण्यात आली आहे. नेय्याट्टिंकारा येथील रहिवासी आदर्श, अखिल आणि अनुराग यांना पूवर पोलिसांनी अटक केली आहे.
तिरुवनंतपुरमच्या पूवर येथे २८ तारखेला पहाटे मुलीला गाडीत घेऊन जाऊन तिच्यावर अत्याचार करण्यात आला. यातील आदर्श हा मुलीचा जवळचा परिचित होता. पूवर येथे आदर्शने मुलीला भेटून तिला गाडीत बसण्यास सांगितले.
त्या दिवशी मुलीचा वाढदिवस होता. त्यामुळे आदर्शने मुलीला वाढदिवसाची भेटवस्तू देण्याचे आमिष दाखवून तिला गाडीत बसवले. त्यानंतर तिघांनी मिळून मुलीवर अत्याचार केला. मुलीच्या प्रकृतीत बिघाड झाल्याचे तिच्या पालकांना लक्षात आले. त्यानंतर त्यांनी पूवर पोलिसांकडे तक्रार दाखल केली. त्यानंतर पोलिसांनी तिघांनाही अटक केली. सध्या तिघांनाही न्यायालयीन कोठडी सुनावण्यात आली आहे.
