राजसमंद (राजस्थान) : येथे ३२ वर्षीय शेतकऱ्याचा रोटावेटरमध्ये अडकून मृत्यू झाला. पोलिसांनी मोठ्या कष्टाने मृतदेहाचे तुकडे गोळा केले आणि चादरीत गुंडाळून रुग्णालयात पाठवले. आज शवविच्छेदन झाल्यानंतर मृतदेह कुटुंबीयांच्या स्वाधीन करण्यात आला. आमेट पोलीस ठाणे या प्रकरणाचा तपास करत आहे.
आमेट गावातील जेतपुरा पंचायतीच्या सेंगनवास गावातील नारायण लाल गुर्जर यांचा रोटावेटरमध्ये अडकून मृत्यू झाला. नारायण दोन भावांपैकी मोठा होता आणि शेती करून आपल्या कुटुंबाचा उदरनिर्वाह करत होता. तीन दिवसांपूर्वीच त्याने धनत्रयोदशीनिमित्त सुमारे एक लाख रुपये किमतीचा रोटावेटर विकत घेतला होता आणि याच शेती यंत्राच्या साहाय्याने तो काल रात्री शेतात चारा कापत होता.
त्यावेळी शेतात त्याच्यासोबत त्याचा मामा लहर गुर्जरही होता. त्याने मामास सांगितले की तो घरातून चहा घेऊन येईल, म्हणून मामा लहर गुर्जर चहा घेण्यासाठी निघून गेला. अर्ध्या तासानंतर जेव्हा मामा लहर गुर्जर परत आला तेव्हा त्याने पाहिले की नारायण गायब झाला आहे. जवळ जाऊन पाहिले तर रोटावेटर मशीनमधून रक्त वाहत होते. मामा लहर गुर्जरने जवळ जाऊन पाहिले तेव्हा कळले की मशीनमध्ये अडकून नारायण गुर्जरच्या शरीराचे तुकडे झाले आहेत. त्याने कुटुंबियांना माहिती दिली आणि नंतर गावातील लोकही तेथी पोहोचले. पोलिसांनाही बोलावण्यात आले.
सुमारे एक तासाच्या परिश्रमानंतर त्याच्या शरीराचे शेकडो तुकडे बाहेर काढून गोळा करण्यात आले. या घटनेनंतर कुटुंबावर दुःखाचा डोंगर कोसळला आहे. चारा कापताना कपडे मशीनमध्ये अडकल्यानंतर मशीनने नारायण लाललाही ओढले आणि डोक्यापासून पायापर्यंत तुकडे केले. मृत शेतकरी नारायण लालच्या कुटुंबात आई-वडील आणि पत्नी व्यतिरिक्त आठ वर्षांचा एक मुलगा आहे.
