सिरोही (राजस्थान) : जिल्ह्यातील आबूरोड शहरात पोलिसांनी दोन स्पा सेंटरवर छापा टाकून ९ जणांना अटक केली. या कारवाईत ८ युवती आणि १ युवकाला अटक करण्यात आली.
याबाबत माहिती देतांना पोलीस निरीक्षक राजीव भादू यांनी सांगितले की, तळटीतील दोन स्पा सेंटरवर पोलिसांनी धाड टाकली. ज्यामध्ये एका स्पा मधून मुले आणि मुलींना अटक करण्यात आली. अटक करण्यात आलेले आरोपी विविध ठिकाणांचे आहेत, ज्यात गाजियाबाद, पंजाब, जयपूर, उत्तर प्रदेश, मुंबई, छत्तीसगड, कोलकाता यासारख्या ठिकाणांचे रहिवासी आहेत. आठ मुली एका मुलासोबत खोलीत होत्या. जेव्हा पोलीस पोहोचले तेव्हा आतील दृश्य लव्हेचक होते. पोलिसांनी सर्वांना जीपमध्ये बसवले आणि पोलीस ठाण्यात नेले.
सिरोही हा राजस्थानमधील सर्वात लहान जिल्हा आहे. पण आता तिथेही असे स्पा सेंटर उघडले आहेत जिथे वेश्याव्यवसाय चालवला जातो. हे लोक मुलींना दोन ते तीन महिन्यांच्या पॅकेजच्या नावाखाली स्पा सेंटरमध्ये बोलावतात. ह्या मुली वेगवेगळ्या राज्यांच्या असतात. थायलंड, नेपाळसारख्या देशांतील मुलींना बोलावण्यासाठी त्यांना जास्त पैसे दिले जातात आणि ग्राहकांकडूनही जास्त पैसे घेतले जातात.
पोलिसांनी सांगितले की, सामान्य मसाज दरम्यानच ह्या मुली मुलांशी या विशेष मसाजबद्दल बोलतात आणि जेव्हा तो समजतो तेव्हा त्याला दुसऱ्या खोलीत नेले जाते. तिथे देहविक्रीचा व्यवसाय सुरू होतो. सिरोही जिल्ह्यात गेल्या २ वर्षांत सुमारे १५ स्पा सेंटर पकडण्यात आले आहेत.
सिरोहीच्या जवळच असलेल्या बाडमेर जिल्ह्यात गेल्या महिन्यात जी घटना घडली ती धक्कादायक होती. जिल्हाधिकारी टीना डाबी शहराला भेट देत होत्या, त्यावेळी एका स्पा सेंटरवर थांबल्या. तिथे त्यांनी स्वतः तपासणी केली. स्पा सेंटर बाहेरून बंद असल्याचे आढळले. पण आत अनेक मुली होत्या. नंतर हातोड्याने कुलूप तोडण्यात आले आणि आतील सर्व मुलींना अटक करण्यात आली. त्यांच्यासोबत दोन मुलेही पकडण्यात आली.
