भटिंडा (पंजाब) : येथे शुक्रवारी एक मोठी दुर्घटना घडली. भटिंडा तलवंडी साबो रोडवरील जीवन सिंग वाला गावाजवळ एका खासगी कंपनीच्या बसला अपघात झाला. बसचे नियंत्रण सुटून नाल्यात पडली. या अपघातात आठ जणांचा मृत्यू झाला. या बसमध्ये अनेक जण प्रवास करत असल्याचे सांगण्यात येत आहे.
अपघातानंतर येथे एकच गोंधळ उडाला. या अपघातात अनेक जण जखमी झाले आहेत. जखमींना तळवंडी साबो रुग्णालयात दाखल करण्यात आले आहे. काही जखमींवर सिव्हिल हॉस्पिटल भटिंडा येथे उपचार सुरू आहेत.
दुपारच्या सुटीनंतर बस जीवनसिंग वाला गावाजवळ आली असता नाल्यावरील पुलावर बसचे नियंत्रण सुटून ती नाल्यात पडली. अपघाताची माहिती मिळताच आजूबाजूचे लोक घटनास्थळी जमा झाले. यानंतर जखमींना बाहेर काढण्यात आले.
भटिंडाचे पोलिस घटनास्थळी पोहोचले. जिल्हा प्रशासनाकडून मदत आणि बचावकार्य सुरू आहे. जखमींना रुग्णवाहिकेच्या मदतीने तळवंडी साबो रुग्णालयात नेण्यात आले. अनेक गंभीर जखमींना इतर रुग्णालयात पाठवण्यात आले आहे.
