पुणे (प्रतिनिधी गिरीश पवार) : तुम मुझे खून दो में तुम्हे आझादी दुंगा….या घोषणेला समर्पित आज आयुध निर्माणी देहू रोड येथे आज नेताजी सुभाष चंद्र बोस यांच्या जयंतीनिमित्त ऑर्डनन्स फॅक्टरी एम्प्लॉइज युनियनतर्फे रक्तदान शिबिराचे आयोजन करण्यात आले होते.
१७५ रक्तदात्यांनी रक्तदान करून उस्फुर्त असा प्रतिसाद दिला .रक्तदान शिबिराचे उदघाटन निर्माणीचे मुख्य महाप्रबंधक मा. श्री चौधरी सर यांच्या हस्ते करण्यात आले त्याप्रसंगी श्री मीना सर तसेच आयुध निर्माणी हॉस्पिटल चे डॉक्टर उपस्थित होते.तसेच कॉ.के. इंदूप्रकाश मेनन सर ( सचिव,NPDEF व राष्टीय अध्यक्ष TUCC) व संघटनेचे सर्व पदाधिकारी व कार्यकर्ते उपस्थित होते.
आपल्या देशात जानेवारी महिना इतिहासाच्या दृष्टिकोनातून खूप महत्त्वाचा आहे. जानेवारी महिन्यात भारताने आपली राज्यघटना स्वीकारली आणि अशा प्रकारे लोकशाही राष्ट्राची निर्मिती झाली, तर स्वातंत्र्य चळवळीशी संबंधित दोन दिग्गज सार्वजनिक नेत्यांचाही या महिन्याशी घनिष्ठ संबंध आहे. प्रजासत्ताक दिनापूर्वी आपला देशही शौर्य दिन साजरा करतो. हा शौर्य दिन हा देशाच्या शूर स्वातंत्र्यसैनिकाच्या शौर्याला समर्पित केलेला दिवस आहे. हा खास दिवस नेताजी सुभाषचंद्र बोस यांच्याशी संबंधित आहे.
एक विशेष म्हणजे प्रजासत्ताक दिनापूर्वी आपला देश पराक्रम दिवसही साजरा करतो. हा शौर्य दिन देशाच्या एका शूर स्वातंत्र्यसैनिकाच्या शौर्याला समर्पित केलेला दिवस आहे. हा खास दिवस नेताजी सुभाषचंद्र बोस यांच्याशी संबंधित आहे. आज म्हणजेच 23 जानेवारी रोजी संपूर्ण देश महान स्वातंत्र्यसेनानी, क्रांतिकारी नेते आणि खरे देशभक्त सुभाषचंद्र बोस यांची 128वी जयंती साजरी करणार आहे.भारताच्या स्वातंत्र्य चळवळीतील त्यांच्या योगदानाची तुलना नाही, देशाच्या स्वातंत्र्यासाठी, समता आणि देशभक्तीसाठी त्यांनी दिलेला संघर्ष विसरता येणार नाही. ते एक गतिशील, धैर्यवान आणि स्वातंत्र्याच्या दिशेने अतिशय उत्साही नेते मानले जात होते.
