शिर्डी (प्रतिनिधी संजय महाजन) : राहाता येथील वै.ह.भ.प.सजन यशवंत सदाफळ, वै. भाऊसाहेब सजन सदाफळ यांचे स्मरणार्थ जगदगुरु संत तुकाराम बिज महोत्सव कार्यक्रमाचे आयोजन दिनांक १६ मार्च २०२५ रोजी राहाता येथील १५ चारी उपनगर येथे आयोजन करण्यात आले आहे.
दरम्यान बिज किर्तन सेवा भागवत कथाकार विकास महाराज गायकवाड यांचे सकाळी १० ते१२ या वेळेत जगदगुरु तुकाराम महाराजांचे जिवन चरित्रावर किर्तन सेवा होणार आहे. तदनंतर बाल कन्या संस्कृती सदाफळ हिचे संत तुकारामाचे जिवनपटावर माहिती सादर करणार आहे. तदनंतर शिर्डीचे उपविभागीय पोलीस अधिकारी शिरीष वमने, पोलीस निरीक्षक नितीन चव्हाण यांचे हस्ते गोगलगांव येथील डि.एम. चौधरी, सेवा निवृत्त वरिष्ठ शाखा धिकारी बँक ऑफ बडोदा, सिईओ गौतम बँक यांना समाजरत्न पुरस्काराने सन्मानित करण्यात येणार आहे.
सदर कार्यक्रम प्रसंगी ट्रस्ट च्या वतीने उपस्थित भाविकांना श्रीमद् भगवत गिता भेट देण्यात येणार असल्याचे मार्गदर्शक बाळासाहेब गुळवे यांनी प्रसिद्धी पत्रकात म्हटले आहे. दरवर्षी ट्रस्ट कडून देण्यात येणारा हा पुरस्कार यावेळी ग्रामीण भागातील शेतकरी, कष्टकरींसाठी अनेक ग्रामिण भागात शाखा स्थापम करणारे डि.एम चौधरी यांना देण्यात आला आहे. त्यांनी त्याकाळी विविध समस्यांना सामोरे जात कठीण परिस्थीतीतुन समाजाची मदत मिळवुन शिक्षण घेतले. म्हणूनच त्यांनी समाजासाठी व ग्रामिण भागातील शेतकरी, यांच्या साठी बँकीग क्षेत्रात विषेश काम केल्याने भावी पिढीस त्यांचे मार्गदर्शन मोलाचे ठरणार असल्याने त्यांची या पुरस्कारासाठी निवड केल्याचे ट्रस्टचे अध्यक्ष – अॅड. रामनाथ सदाफळ यांनी सांगितले.
