पंढरपूर (रिपोर्टर प्रकाश इंगोले) : नुकत्याच पुण्याच्या दीनानाथ मंगेशकर हॉस्पिटलमध्ये पैसे नसल्याने एका गरोदर महिलेवर वेळेत उपचार न झाल्याने तिला आपला जीव गमवावा लागल्याची घटना ताजी असतानाच राज्यातील विविध शहरांमधील खासगी रूग्णालयांकडून रुग्णांच्या नातेवाइकांना लुटले जात असल्याची तक्रार शिवसेना उध्दव बाळासाहेब ठाकरे पक्षाचे जिल्हाप्रमुख संभाजी राजे शिंदे पंढरपूर तालुकाप्रमुख बंडू घोडके व जेष्ठ शिवसैनिक काकासाहेब बुराडे यांनी लेखी निवेदना द्वारे उपविभागीय अधिकारी यांचे कडे केलीआहे.
पंढरपुरमध्ये कांही खासगी रूग्णालयांकडून लुट होत असल्याचा खळबळजनक आरोप पंढरपुरातील समाजसेवक तथा महर्षी वाल्मिक संघाचे संस्थापक अध्यक्ष गणेश अंकुशराव यांनी या पुर्वीच केला होता. पंढरपूर शहरातील काही खासगी रूग्णालयात विविध उपचारासाठी अवाजवी रक्कम आकारली जाते, रूग्णांच्या नातेवाईकांकडून उपचारादरम्यान भरमसाठ पैसे वसुल केले जातात. गर्भवती महिलांचे सिझर, विविध प्रकारची ऑपरेशन्स, सोनोग्राफी, मेडीकल, रक्त लघवी च्या विविध चाचण्या यासाठी अव्वाच्या सव्वा फी वसुल केली जाते. गरीब रूग्णांच्या फी संदर्भातील महात्मा फुले जन आरोग्य व अशा अनेक शासकीय योजनांमध्ये सुद्धा घोटाळा आसल्याचा संशय आहे तसेच धर्मादाय हॉस्पिटलमध्ये सुध्दा नीट काम चालत नाही याची ही चौकशीझाली पाहीजेत.
याबाबत अनेक तक्रारी होऊन सुध्दा यावर कारवाई होत नाही
या सर्व प्रकाराची सखोल चौकशी संबंधित शासकीय यंत्रणे मार्फत करून जर उपचारासाठी अवाजवी रक्कम कोणी आकारत असतील तर अशा रुग्णालयावर व संबंधित डॉक्टरांवर तातडीने कायदेशीर कारवाई करण्यात यावी तसेच उपचाराचे प्रकार व त्यासंदर्भातील हॉस्पीटल ची फी तसेच सिझर फी , विविध प्रकारची ऑपरेशन्स फी, सोनोग्राफी फी, रक्त लघवी चाचणीनुसार ची फी यासंदर्भाची माहिती असलेले फलक पंढरपूर शहरातील सर्वच मोठमोठ्या खासगी हॉस्पिटलमध्ये, सोनोग्राफी सेंटर मध्ये, रक्त तपासणी लॅब मध्ये लावण्याची सक्ती करावी. अशी मागणीही निवेदनात करण्यात आली.
पंढरपूर शहरात माफक दरात रूग्णसेवा करणारी अनेक सज्जन डॉक्टर मंडळी आहेत तशी रूग्णांकडून अवाजवी फी वसुल करणारे व रुग्ण व नातेवाईका़ची लुट करणारे काही दुर्जन डॉक्टर ही आहेत आशांचीच चौकशी करून कारवाई करण्यात यावी तसेच सर्व तक्रारींचा सखोल तपास वैद्यकीय अधिकाऱ्यांनी करावा, अशा आशयाचे निवेदन शिवसेना उध्दव बाळासाहेब ठकरे पक्षाचे संपर्क प्रमुख अनिलजी कोकीळसाहेब यांच्या मार्गदर्शनातून जिल्हाप्रमुख संभाजीराजे शिंदे तालुकाप्रमुख बंडू घोडके जेष्ठ शिवसैनिक काकासाहेब बुराडे यांनी उपविभागीय अधिकार्यांना दिले तसेच गॅस सिलिंडर दरवाढीचे निवेदन तहसीलदार पंढरपूर तहसील कार्यालय यांना देवून केद्र सरकार ने केलेल्या सिलेंडर दरवाढी चा निषेध नोंदवला.
नुकतेच केद्र सरकारने गॅस सिलिंडर ची दरवाढ केलली आहे ही दरवाढ सामान्य जनतेला अन्याय कारक आहे. घरगुती वापरातील सिलेंडर ५० रूपयांनी वाढवण्यात आला तर उज्वला योजनेंतर्गत असलेल्या सिलेंडर ला हि दरवाढ लागू करण्यात आली ८३० रू ला मीळणारा सिलेंडर ८५३ ला घ्यावा लागणार आहे . या दरवाढीच्या विरोधातही तीव्र व जाहीर निषेध नोंदवून सर्व सामान्यांचे हित नजरे समोर ठेवून केंद्रसरकार ने गॅस सिलेंडर वरील दरवाढ मागे घ्यावी आसे अवाहन करण्यात आले.
गटविकास अधिकारी पंचायत समिती पंढरपूर यांनाही निवेदन देऊन बाभुळगाव ग्रामपंचायतीच्या भ्रष्ट कारभाराच्या चौकशी साठी बाभुळगाव येथे उपोषणास बसलेल्यास न्याय द्यावा पंढरपूर तालुक्यातील बाभुळगाव ग्रामपंचायतीच्या भ्रष्ट कारभारा विरोधात गावचे रहिवाशी व शिवसैनिक सुहास नाना चव्हाण हे ग्रामपंचायत कार्यालया समोर उपोषणास बसले होते सरकारी गट नं ३५४ मधून अवैध मुरूम उचलल्या बाबत, दलित वस्ती मधील कमे न करता शासना कडून बिले घेतल्या बाबत, बाभुळगाव ते तुंगत रस्ता न करता ३३ लाख रूपयाचे बिल उचलले, खंडोबा मंदीराचे काम न करता बिले उचलणे व घंटागाडीच्या बिलांची चौकशी व कामांची चौकशी करावी या साठी ते अमरण उपोषण करीत आहेत वरील सर्व मांगण्या संदर्भात स्पष्टीकरण देऊन त्वरीत चौकशी करून संबंधितांवर कडक कारवाई करावी अन्यथा शिवसेना उध्दव बाळासाहेब ठाकरे पक्षाच्या वतीने तीव्र आंदोलन छेडण्यात येईल, असा इशाराही या वेळी देण्यात आला.
यावेळी जिल्हाप्रमुख संभाजीराजे शिंदे, तालुकाप्रमुख बंडू घोडके, जेष्ठ शिवसैनिक काकासाहेब बुराडे, बाळासाहेब रणदिवे. भारत कदम . उपतालुकाप्रमुख नागेश रितुंड संजय घोडके.विलास चव्हाण. बंडू कोरके .नामदेव चव्हाण युवराज गोमेवाडीकर. अमोल पवार अतिश खुळपे. बाळासाहेब देवकर. महेश मेहेर .संगिताताई पवार.सुनंदाताई गायकवाड विमलताई टिंगरे. कल्याण कदम दत्तात्रय पाटील पोपट इंगोले प्रविण शिंदे विलास माने दत्ताशिंदे किसन केंजळे आदी बहुसंख्य शिवसैनिक पदाधिकारी उपस्थित होते.
