जळगाव (संपादक सुनिल पाटील) : ‘लोकमत’चे कुंदन पाटील यांना ‘दादासाहेब पोतनीस पत्रकारिता पुरस्कार’ जाहीर झाला आहे. हा पुरस्कार राज्य शासनाकडून दिला जातो आणि या पुरस्काराचे स्वरुप ५१ हजार रुपये, मानचिन्ह आणि प्रशस्तिपत्र असे आहे. यासोबतच, दैनिक ‘गावकरी’ तर्फे १० हजार रुपये देखील पारितोषिक स्वरुपात देण्यात येणार आहेत.
राज्यपाल सी. पी. राधाकृष्णन यांच्या हस्ते हा पुरस्कार देण्यात येणार आहे. हा पुरस्कार कुंदन पाटील यांच्या पत्रकारितेतील उत्कृष्ट कार्यासाठी दिला जात आहे, विशेषतः त्यांच्या समाजप्रबोधन आणि माहितीपर लेखनासाठी. जळगाव जिल्ह्यासाठी हा एक मोठा गौरव असून, त्यांचे शहरातील विविध क्षेत्रातील मान्यवरांकडून अभिनंदन करण्यात येत आहे. त्यांना पुरस्कार मिळाल्याबद्दल जिल्हाधिकारी कार्यालय व जिल्हा माहिती कार्यालयाकडून जिल्हाधिका-यांनी पुष्पगुच्छ देवून त्यांचे अभिनंदन केले आहे.
