- पत्रकारांच्या न्याय्य हक्कांसाठी आणि समाजहितासाठी उभारणार खंबीर लढा
- निवडीनंतर राज्यभरातून होत आहे अभिनंदनाचा वर्षाव
शिर्डी (प्रतिनिधी) । पत्रकार बांधवांच्या समस्यांना वाचा फोडत त्यांच्या हक्कांसाठी राज्यभरात आक्रमकपणे कार्यरत असणाऱ्या ‘राष्ट्रीय पुरोगामी पत्रकार संघ’ या अग्रगण्य व लढाऊ संघटनेच्या महाराष्ट्र राज्य उपाध्यक्षपदी शिर्डीतील ज्येष्ठ पत्रकार श्री. संजय विठ्ठल महाजन यांची नुकतीच अधिकृत निवड करण्यात आली आहे. त्यांच्या या निवडीमुळे संघटनेला एक अभ्यासू, अनुभवी आणि सामाजिक बांधिलकी जपणारे कणखर नेतृत्व लाभले असून, राजकीय, सामाजिक व पत्रकारिता क्षेत्रातून या निर्णयाचे उत्स्फूर्त स्वागत होत आहे.
श्री. संजय विठ्ठल महाजन यांचा सामाजिक क्षेत्रातील प्रदीर्घ दांडगा अनुभव, जनसामान्यांशी असलेली घट्ट नाळ आणि पत्रकारितेशी असलेले त्यांचे जवळचे नाते लक्षात घेऊन, संघटनेच्या राष्ट्रीय व राज्य पातळीवरील वरिष्ठ पदाधिकाऱ्यांनी त्यांच्यावर ही मोठी व महत्त्वपूर्ण जबाबदारी सोपवली आहे. त्यांच्या या निवडीमुळे अहिल्यानगर जिल्ह्याच्या शिरपेचात मानाचा तुरा रोवला गेला असून, जिल्ह्याचा दबदबा राज्य पातळीवर निश्चितच वाढला आहे.
ही जबाबदारी केवळ पद नव्हे, तर समाजसेवेचे व्रत!
आपल्या या राज्यस्तरीय निवडीबद्दल कृतज्ञता व्यक्त करताना श्री. संजय महाजन सर यांनी संघटनेचे सन्माननीय संस्थापक, राष्ट्रीय व राज्य पदाधिकारी तसेच आपले सर्व मार्गदर्शक आणि सहकाऱ्यांचे मनःपूर्वक आभार मानले आहेत.
आपले मनोगत व्यक्त करताना आदरणीय महाजन साहेब अतिशय आत्मविश्वासाने म्हणाले की, “राष्ट्रीय पुरोगामी पत्रकार संघाने माझ्यावर जो मोठा विश्वास टाकला आहे, तो मी कृतीतून सार्थ ठरवेन. ही जबाबदारी माझ्यासाठी केवळ एक पद नसून, तळागाळातील पत्रकार बांधवांच्या हक्कांसाठी आणि समाजहितासाठी काम करण्याची एक मोठी संधी आहे. आपल्या सर्वांच्या भक्कम सोबतीने आणि आशीर्वादाने संघटनेची वाटचाल अधिक सक्षम, प्रभावी व यशस्वी करण्याचा माझा प्रामाणिक प्रयत्न राहील.”
सर्व स्तरांतून कौतुकाचा वर्षाव:
मा.श्री. संजय विठ्ठल महाजन यांची राज्य उपाध्यक्षपदी निवड झाल्याची बातमी समजताच शिर्डीसह संपूर्ण अहिल्यानगर जिल्ह्यात आनंदाचे आणि उत्साहाचे वातावरण निर्माण झाले आहे. त्यांच्या या निवडीबद्दल विविध संस्थांचे पदाधिकारी, राजकीय नेते, पत्रकार बांधव आणि ग्रामस्थांनी त्यांचे उत्स्फूर्त अभिनंदन केले असून, त्यांच्या पुढील यशस्वी वाटचालीस भरभरून शुभेच्छा दिल्या आहेत.
