जळगाव (संपादक सुनिल पाटील) | मुंबई येथे लवकरच आयोजित करण्यात येत असलेल्या मॉडेलिंग फोटोग्राफी इव्हेंटमध्ये जळगाव येथील युवा फोटोग्राफर तेजस भंगाळे सहभागी होणार आहेत. फोटोग्राफी क्षेत्रात आपली वेगळी ओळख निर्माण करणाऱ्या तेजस यांचा हा मोठा टप्पा मानला जात आहे.
तेजस भंगाळे हे आपल्या क्रिएटिव्ह शूट्स, वेगळी संकल्पना (कन्सेप्ट) आणि उत्कृष्ट लोकेशन सिलेक्शनसाठी ओळखले जातात. त्यांनी आतापर्यंत अनेक मॉडेल शूट्स, प्री-वेडिंग शूट्स आणि जाहिरात क्षेत्रात काम करत आपली छाप पाडली आहे.
या मुंबईतील इव्हेंटमध्ये देशभरातील अनेक नामांकित फोटोग्राफर्स आणि मॉडेल्स सहभागी होणार असून, तेजस यांना आपल्या कामाचे प्रदर्शन करण्याची मोठी संधी मिळणार आहे. त्यांच्या सहभागामुळे जळगाव जिल्ह्याचे नाव देखील राज्यस्तरावर झळकणार आहे.
तेजस भंगाळे यांच्या या यशस्वी वाटचालीसाठी विविध स्तरातून त्यांचे कौतुक केले जात असून, भविष्यात ते आणखी मोठ्या प्रोजेक्ट्समध्ये दिसतील, अशी अपेक्षा व्यक्त केली जात आहे.
