मुंबई (संपादक सुनिल पाटील) | गोवा भाजपचे माजी प्रदेशाध्यक्ष आणि विद्यमान राज्यसभा खासदार सदानंद शेट तानावडे यांची भारतीय जनता पक्षाच्या महाराष्ट्र प्रदेश सहप्रभारीपदी नियुक्ती करण्यात आली आहे. भाजपचे राष्ट्रीय अध्यक्ष नितीन नबीन यांनी पक्षाच्या संघटनात्मक रचनेअंतर्गत ही महत्त्वपूर्ण जबाबदारी त्यांच्याकडे सोपवली आहे.
संघटनात्मक कौशल्याचा महाराष्ट्राला लाभखासदार सदानंद शेट तानावडे यांचा पक्ष संघटनेत प्रदीर्घ कार्यकाळ राहिला असून, गोवा भाजपच्या प्रदेशाध्यक्षपदाची धुरा त्यांनी यशस्वीपणे सांभाळली आहे. याशिवाय त्यांचा महाराष्ट्रातील राजकीय आणि सामाजिक स्थितीचा दांडगा अभ्यास आहे. शेजारच्या राज्यातील राजकीय समीकरणांची उत्तम जाण आणि बूथ पातळीवरील कार्यकर्त्यांशी असलेला समन्वय लक्षात घेऊन पक्षाने त्यांच्यावर ही जबाबदारी सोपवली आहे.
पक्षसंघटना अधिक मजबूत होण्याचा विश्वासया नियुक्तीमुळे महाराष्ट्र भाजपला अधिक बळकटी मिळेल, असा विश्वास पक्षाच्या वरिष्ठ वर्तुळात व्यक्त केला जात आहे. आगामी राजकीय घडामोडी आणि आगामी निवडणुकांच्या पार्श्वभूमीवर पक्षाची संघटनात्मक बांधणी अधिक व्यापक आणि भक्कम करण्यासाठी तानावडे यांचा अनुभव अत्यंत मोलाचा ठरणार आहे. त्यांच्या या निवडीबद्दल पक्षातील विविध पदाधिकारी आणि कार्यकर्त्यांकडून त्यांचे अभिनंदन करण्यात येत आहे.
