चंदिगड – सीमा सुरक्षा दलाने शनिवारी पंजाबच्या फिरोजपूर जिल्ह्यात भारत-पाकिस्तान सीमेजवळच्या एका शेतातून शस्त्रसाठा जप्त केला. यामध्ये तीन एके-47 रायफली आणि दोन एम-16 रायफलींचा समावेश आहे.
याशिवाय एके-47 रायफलींची 6 मॅगझीन आणि 91 काडतुसे, एम-16 रायफलींची 4 मॅगझीन आणि 57 काडतुसे, दोन पिस्तूल, चार मॅगझीन आणि 20 काडतुसे असा दारुगोळाही बरोबर आडळून आला आहे, असे बीएसएफच्या अधिकाऱ्यांनी सांगितले.
सकाळी 7 च्या सुमारास शोधमोहिमेदरम्यान बीएसएफच्या जवानांना ही शस्त्रे आणि दारूगोळा सीमेजवळच्या एका शेतामध्ये पडलेली आढळून आली. या भागात अधिक शोधमोहीम केली जात आहे. या संदर्भात अद्याप कोणावर कारवाई केल्याचे वृत्त नाही.
