खरखोन (प्रतिनिधी) – परिक्षेचं हॉल तिकिट असो किंवा निकालाची यादी यामध्ये सेलिब्रिटींचा फोटो आणि नाव आल्याच्या अनेक घटना घडल्या आहेत. आता तर मजुरांच्या यादीत चक्क अभिनेत्री दीपिका पादुकोण हिचा फोटो छापण्यात आला आहे. मध्य प्रदेशातील खरगोन जिल्ह्यातील स्थलातरित मजुरांच्या यादीत दीपिकाच्या फोटो छापण्यात आल्याचा प्रकार समोर आला आहे.
मनरेगाच्या जॉब कार्डवर ग्रामीण मजुरांच्या जागी दीपिकाचा फोटो लावण्यात आला आहे. इतकंच नाही तर या कार्डच्या आधारे सरकारी योजनेअंतर्गत पैसे देखील मिळवण्यात आले आहेत. या मनरेगा कार्डच्या यादीत ५० एकर शेती असलेल्या शेतकऱ्यांच्या नावाचाही समावेश असल्यानं या योजनेत गडबड असल्याच्या चर्चा सुरू आहेत.
बिहार राज्यसेवा आयोगाने घेतलेल्या कनिष्ठ अभियंता भर्ती चा प्राथमिक निकाल जाहीर झाला असून ‘सनी लिओनी’ या परिक्षेत पहिली आली होती. हा निकाल वाचून स्वत: अधिकारी चक्रावले होते. अंतिम निकाल अजून जाहीर झालेला नाही असं स्पष्टीकरण त्यांनी दिलं होतं. बिहारच्या ऑनलाइन भर्ती प्रक्रियेची चेष्टा करण्यासाठी कोणीतरी हे प्रताप केल्याची चर्चा होती.
