मुंबई (चित्रपटविभाग प्रतिनिधी गणेश तळेकर) – नुतन वर्षाच्या निमित्ताने अभिनेत्री सोनम कपूरने इन्स्टाग्रामवर पती आनंद आहुजाचे चुंबन घेत चाहत्यांना शुभेच्छा दिल्या आहेत. लंडनमध्ये नवीन वर्ष साजरे करणार्या सोनम कपूरने चाहत्यांना हटके अंदाजात हॅपी न्यू इअर सांगितले आहे. सोनमने पतीला किस करताना फोटो शेअर केले आहे आणि नवीन वर्षाबद्दल एक संदेशही लिहिला आहे.
सोनम कपूरने लिहिले आहे की, नव्या वर्षात मी आयुष्यातील माझ्या प्रेमासह पुढे जाण्यास तयार आहे. हे वर्ष प्रेम, कुटुंब, मित्र, काम, प्रवास आणि आध्यात्मिक विकासासहित गोष्टींनी परिपूर्ण असेल. मी एक चांगले वर्ष म्हणून पाहत आहे. आम्ही कठोर परिश्रम करू आणि संपूर्ण आयुष्य जगू आणि मागे वळून पाहणार नाही.
सध्या लंडनमध्ये राहणारी सोनम कपूर गेल्या वर्षी जुलैमध्ये लंडनला गेली होती. 2020 मध्ये दिल्ली आणि मुंबईमध्ये बराच वेळ घालवल्यानंतर ती लंडनला गेली होती. मार्चच्या सुरूवातीलाच कोरोना विषाणूचा सामना करण्यासाठी लॉकडाऊनची अंमलबजावणी करण्याच्या काही काळाआधीच ती भारतात आली होती. सोनमने चित्रपट समीक्षक आलोक अनुपमा चोप्रा यांच्याशी बोलताना सांगितले होते की, ती वडील आणि आईबरोबर वेळ घालवण्यासाठी परत आली आहे.
सोनम कपूर म्हणाली होती, प्रवास बंदीच्या आधी मी भारतात येण्याचा निर्णय घेतला होता. याचे कारण माझे वडील ६३ वर्षांचे आहेत आणि आई सुद्धा त्याच वयाची आहे. याशिवाय आम्ही जवळपास ८० वर्षीय आनंदच्या आजीबरोबरही राहिलो. वास्तविक माझ्या नवऱ्याच्या घरात कोणीच नव्हते. अशा परिस्थितीत कोणत्याही गरजेनुसार समस्या उद्भवू शकते. म्हणून आम्ही सर्व काही बघण्यासाठी परत यायचे ठरवले.
