कोलकाता – पश्चिम बंगालची राजधानी कोलकातामधील बडा बाजार भागात स्ट्रेंड रोडवर एका बहुमजली इमारतीला भीषण आग लागली. इमारतीच्या १२ व्या मजल्यावर आग लागली. आगीवर नियंत्रण मिळवण्यासाठी अग्निशमन दलाच्या ८ गाड्या घटनास्थळी दाखल झाल्या.
इमारत रिकामी करण्यात आली आहे. तसंच परिसरातील वाहतूक बंद करण्यात आली आहे. आगीत आतापर्यंत ७ जणांना मृत्यू झाल्याची माहिती आग्निशमन दलाचे अधिकारी सुजीत बोस यांनी दिली. बचावकार्य सुरू आहे. दरम्यान, रात्री उशिरा मुख्यमंत्री ममता बॅनर्जी या घटनास्थळी दाखल झाल्या. त्यांनी घटनेची माहिती घेतली. तसंच बचावकार्य वेगाने करण्याच्या सूचना दिल्या.
अतिशय दुर्दैवी घटना आहे. या घटनेतील मृतांच्या कुटुंबीयांना प्रत्येकी १० लाखांची मदत दिली जाईल. तसंच पीडित कुटुंबातील एका सदस्याला सरकारी नोकरीही दिली जाईल, अशी घोषणा ममता बॅनर्जी यांनी केली. आगीच्या या घटनेत मृत्यू झालेल्या ७ जणांपैकी ४ अग्निशमन दलाचे जवान आहेत.
West Bengal: Fire breaks out on the 13th floor of a multi- storey building at Strand road in Kolkata. 8 fire tenders reach the spot. More details awaited pic.twitter.com/DLzrmBZDkF
— ANI (@ANI) March 8, 2021
सोमवारी संध्याकाळी ६ वाजून १० मिनिटांच्या जवळपास ही आगीची घटना घडली. आगीच्या ज्वळा पाहून नागरिकांनी पोलिसांना माहिती दिली. यानंतर लगेचच अग्निशमन दलाच्या ८ गाड्या घटनास्थळी रवाना करण्यात आल्या. या इमारतीत रेल्वेचेही कार्यालय आहे, अशी माहिती पोलीस अधिकाऱ्याने दिली. पोलिसांनी स्ट्रेंड मार्गावरील वाहतूक रोखली आहे.
