मुंबई (प्रतिनिधी हितेश मिस्त्री) – शिवसेनेचे आमदार प्रताप सरनाईक यांचे निकटवर्तीय असलेले प्रसिद्ध बिल्डर योगेश देशमुख यांना मनी लाँड्रिंगप्रकरणी सक्तवसुली संचालनालयाने (ईडी) अटक केली आहे. यापूर्वी ईडीने प्रताप सरनाईक यांचा सर्वात जवळचा मित्र अमित चंदेल यांनाही अटक केली होती. देखमुख यांना ईडीची अटक हा आमदार प्रताप सरनाईक यांना धक्का असल्याचे मानले जात आहे.
१७ मार्च या दिवशी ईडीने योगेश देशमुख यांच्या घरावर छापा टाकला होता. त्यानंतर देशमुख यांनी रुग्णालयात दाखल करण्यात आले होते. या पूर्वी ईडीने २४ नोव्हेंबर रोजी प्रताप सरनाईक आणि त्यांचे पुत्र विहंग आणि पूर्वेश सरनाईक यांच्या घरांवर, तसेच कार्यालयांवरर छापे टाकले होते. त्यावेळी ईडीने विंगग सरनाईक यांची तब्बल ५ तास चौकशी केली होती. ईडीने सरनाईक यांच्या घरावर, कार्यालयात आणि हॉटेल अशा एकूण १० ठिकाणी छापेमारी केली होती.योगेश देशमुख यांना अटक केल्याचे वृत्त प्रताप सरनाईक यांच्यावर वेळोवेळी आरोप करणारे भाजप नेते किरिट सोमय्या यांनी ट्विट करत ही माहिती दिली आहे.
NSEL Scam, Shivsena Leader Pratap Sarnaik associate in Titwala Land Scam, Yogesh Deshmukh arrested by ED @BJP4India @BJP4Maharashtra @Dev_Fadnavis
— Kirit Somaiya (@KiritSomaiya) April 6, 2021
ईडीने प्रताप सरनाईक यांच्या घरावर छापा टाकला तेव्हा ते भारतात नव्हते. आपल्या मालकीच्या विविध ठिकाणी ईडीचे छापे पडल्याचे समजल्यानंतर ते भारतात परतले होते. त्यानंतर त्यांनी शिवसेनेचे खासदार संजय राऊत यांची भेटही घेतली होती. डीने अशा प्रकारची ही कारवाई का केली? कशासाठी केली? याची आपल्याला काहीएक कल्पना नसल्याची प्रतिक्रिया सरनाईक यांनी त्यावेळी दिली होती.
आमदार प्रताप सरनाईक यांच्यावर अनधिकृत बांधकाम केल्याचाही आरोप करण्यात आला होता. मात्र हा आरोप चुकीचा असल्याचे सरनाईक यांनी स्पष्ट केले होते. महापालिकेने या संदर्भात नोटीस बजावली होती. मात्र नंतर ती नोटीस महापालिकेने मागे घेतली, असे सरनाईक यांनी स्पष्ट केले आहे.
