ऑलिम्पिक क्रीडाग्राममध्ये नियमांचा भंग आणि बेशिस्त वर्तनाबद्दल कारवाई
नवी दिल्ली : ऑलिंम्पिकमध्ये भारतीय महिला कुस्तीमध्ये कुस्तीपटू विनेश फोगाटकडून देशाला सुवर्णपदाच्या अपेक्षा होत्या. मात्र ती अपेक्षित यश गाठू शकली नव्हती. ऑलिम्पिक क्रीडाग्राममध्ये नियमांचा भंग आणि बेशिस्त वर्तनाबद्दल भारतीय कुस्ती महासंघाने विनेश फोगाटला निलंबित करण्याचा निर्णय घेतला आहे.
ऑलिंम्पिक क्रीडाग्राममध्ये विनेशचे वर्तन बेशिस्त असल्याचे भारताच्या कुस्ती महासंघाने म्हटले आहे. कारण ऑलिम्पिकसारख्या मोठ्या स्पर्धेत जेव्हा आपण देशाचे नेतृत्व करत असतो तेव्हा सर्वांनी एकत्रितपणे एक संघ म्हणून काही गोष्ट करायच्या असतात. पण या गोष्टी विनेशकडून पाहायला मिळाल्या नाहीत
BREAKING NEWS:
Vinesh Phogat suspended by WFI for indiscipline.
Sonam issued notice for misconduct. #wrestling— Amanpreet Singh (@amanthejourno) August 10, 2021
टोकियो ऑलिम्पिकमध्ये भारताचे सर्व खेळाडू क्रीडा ग्राममध्ये राहत होते आणि एकत्रपणे सराव करत होते. पण यावेळी विनेशने सर्व खेळाडूंबरोबर क्रीडा ग्राममध्ये राहण्यास नकार दिला होता. त्याचबरोबर आपण भारताच्या खेळाडूंबरोबर सराव करणार नाही, असेही तिने सांगितले होते. त्याचबरोबर भारतीय खेळाडूंसाठी जे अधिकृत स्पॉन्सर होते त्यांचे नाव खेळाडूंच्या जर्सीवर होते. पण विनेशने या अधिकृत स्पॉन्सरचे नाव आपल्या जर्सीवर लावण्यासाठी नकार दिला होता. त्यामुळे ऑलिम्पिकच्यावेळी या तिन्ही गोष्टी विनेशच्या विरोधात गेल्या आहेत. खेळाडू म्हणून जिथे खेळावर लक्ष केंद्रीत करायचे असते तिथे विनेश या सर्व गोष्टींमध्ये जास्त लक्ष देत असल्याचे पाहायला मिळाले होते. त्यामुळे भारतीय कुस्ती महासंघाने आता विनेशचे निलंबन केले आहे. त्याचबरोबर विनेशला आता कारणे दाखवा नोटीसही बजावण्यात आली आहे. या नोटीसीला विनेशला १६ ऑगस्टपर्यंत उत्तर द्यायचे आहे. विनेशने उत्तर दिल्यावर याबाबत अजून चर्चा करण्यात येईल आणि जर तिचे उत्तर योग्य वाटले तरच तिला कुस्ती स्पर्धांमध्ये खेळता येऊ शकते. पण तोपर्यंत तिला कोणत्याही राष्ट्रीय किंवा स्थानिक कुस्ती स्पर्धांमध्ये खेळता येणार नाही.
या प्रकरणी तिला कारणे दाखवा नोटीस पाठवून तिचे निलंबन करण्यात आले आहे. आता विनेश या सर्व गोष्टींवर आपलं मत काय मांडते आणि या सर्व गोष्टी भारतीय कुस्ती महासंघाला पटणार का, याकडे आता सर्वांचे लक्ष लागलेले असेल.
