मुंबई (प्रतिनिधी हितेश पाटील) : घाटकोपर येथील देवनार परिसरामध्ये मालेगाव येथून आलेले २५०० किलोहून अधिक गोमांस जप्त केले आहे. पशुकल्याण संस्थेने दिलेल्या माहितीवरून पोलिसांनी गुरुवारी ही कारवाई केली आहे. या प्रकरणात १० आरोपींना अटक करण्यात आली आहे. त्यांच्याकडून तीन वाहने जप्त करण्यात आली असल्याची माहिती सूत्रांकडून मिळाली आहे.
हे गोमांस शफीक टाडाच्या मदतीने मालेगाव येथून आणण्यात आले होते. साजिद कुरेशी नावाच्या व्यक्तीला ते वितरित केले जाणार होते असे त्यांनी सांगितले. जप्त केलेल्या गोमांसाचे नमुने फॉरेन्सिक लॅबमध्ये पाठवले जातील अधिकारी म्हणाले की आरोपींवर भारतीय दंड संहिता आणि महाराष्ट्र प्राणी संरक्षण कायदा आणि प्राण्यांवर क्रूरता कायद्याच्या संबंधित कलमांतर्गत गुन्हा दाखल करण्यात आला आहे.
पशुकल्याण संस्थेने दिलेल्या माहितीच्या आधारे पोलिसांनी सकाळी घाटकोपर मानखुर्द लिंक रोडवर सापळा रचला. यावेळी एका वाहनातून दुसऱ्या वाहनात भरले जाणारे बंदी असलेले मांस जप्त केले. ही माहिती देवनार पोलीस स्टेशनच्या अधिकाऱ्याने दिली. पोलिसांनी तीन वाहने जप्त केली आहेत. गोमांस वाहतूक करणाऱ्या १० जणांना अटक करण्यात आली आहे.
