पुणे (उपसंपादक मीरा आरेकर) : ‘महाराष्ट्र कॉस्मॉपॉलिटन एज्युकेशन सोसायटी’ (आझम कॅम्पस)च्या वतीने भारतरत्न डॉ.बाबासाहेब आंबेडकर जयंतीनिमित्त अभिवादन मिरवणुकीचे आयोजन करण्यात आले होते. दि.१४ एप्रिल २०२५ रोजी सकाळी साडे आठ वाजता आझम कँपस येथून वरिष्ठ विश्वस्त डॉ.एन.वाय.काझी यांच्या हस्ते या मिरवणुकीला प्रारंभ झाला.महात्मा गांधी रस्त्यावरील डॉ. बाबासाहेब आंबेडकर यांच्या पुतळ्याला अभिवादन करण्यात आले.
संस्थेचे सचिव प्रा .इरफान शेख यांनी मिरवणुकीचे नेतृत्व केले. शाहिद इनामदार, एस ए इनामदार, अफजल खान, मशकुर शेख,शाबिर शेख, अब्दुल वहाब शेख,महंमद गौस सय्यद,अमन इनामदार, मुश्ताक पटेल,विश्वस्त, मुख्याध्यापक , प्राचार्य ,पदाधिकारी, कर्मचारी ,विद्यार्थी, विद्यार्थिनी तसेच अवामी महाज सामाजिक संघटनेचे पदाधिकारी सहभागी झाले.अल्पसंख्य समुदायातील विद्यार्थिनींचे प्रमाण लक्षणीय होते.
दरवर्षी महाराष्ट्र कॉस्मॉपॉलिटन एज्युकेशन सोसायटीतर्फे छत्रपती शिवाजी महाराज, म. फुले, डॉ. बाबासाहेब आंबेडकर आणि महंमद पैगंबर यांना अभिवादन करण्यासाठी भव्य मिरवणुका काढल्या जातात. हजारो विद्यार्थी त्यात सहभागी होतात.त्यातून महामानवांचे सामाजिक ,शैक्षणिक संदेशांचा प्रसार केला जातो.महाराष्ट्र कॉस्मॉपॉलिटन एज्युकेशन सोसायटीचे अध्यक्ष तसेच डॉ. पी.ए.इनामदार युनिव्हर्सिटीचे कुलपती डॉ.पी.ए.इनामदार यांच्या मार्गदर्शनाखाली नियोजन करण्यात आले.
