मुंबई (उपसंपादक दिलीप दळवी) : विलेपार्ले पूर्व मधील कांबळीवाडी येथील 30 वर्षे जुने पार्श्वनाथ दिगंबर जैन मंदिरावर मुंबई महापालिकेने तोड कारवाई केली. हायकोर्टाच्या आदेशाने मुंबई महानगरपालिका पूर्व विभागाकडून जैन मंदिरावर १६ एप्रिल रोजी तोड कारवाई करण्यात आली होती. महानगर पालिकेच्या या कारवाई विरोधात जैन समाज आक्रमक झाला आहे. आज (१९ एप्रिल) जैन समाजाच्या महिला आणि पुरुष मंदिरा बाहेर आंदोलन करत आहेत. विलेपार्ले मतदारसंघाचे आमदार पराग अळवणी हेसुद्धा आंदोलनस्थळी दाखल झालेत. तसेच मंत्री आणि भाजपचे आमदार मंगलप्रभात लोढा यांनी देखील आंदोलनस्थळी भेट दिली.
मुंबई महानगरपालिका विरोधात विश्व हिंदू परिषद आणि जैन समाजाचा उपस्थितीमध्ये विलेपार्ले ते अंधेरी पूर्व परिसरात पालिकेच्या के/पूर्व कार्यालयावर धडक मोर्चा काढण्यात आला. तसेच पालिका पूर्व विभागाचे वॉर्ड ऑफिसर नवनाथ घाडगे यांच्यावर निलंबनाची कारवाई करण्याची विनंती देखील मुख्यमंत्री देवेंद्र फडणवीस यांच्याकडे जैन समाजाकडून करण्यात आली आहे.
जैन मंदिरावर तोडक कारवाई दरम्यान जैन धर्मियांच्या धार्मिक पुस्तक आणि धार्मिक वस्तू पालिकेच्या कर्मचाऱ्यांनी रस्तावर फेकण्याचा आरोप करण्यात येत आहे. धार्मिक पुस्तक आणि धार्मिक वस्तू काढून द्यावी, जैन धर्मियांच्या विनंतीला मान न देता पालिकेने जेसीबीच्या सहाय्याने केली तोडक कारवाई केल्याचा आरोप जैन समाजाकडून करण्यात येत आहे. तसेच ज्या ठिकाणी जैन मंदिर होते, त्या ठिकाणी ते पुन्हा बांधून देण्याची मागणी जैन धर्मियांकडून करण्यात येत आहे. दरम्यान, हायकोर्टाकडून जैन मंदिर तोडक कारवाईवर स्टे देण्यात आला आहे.
