३५ वर्षीय विधवा महिलेवर लैंगिक अत्याचार; ५७ वर्षीय आरोपीला दोन तासात अटक

rape
file photo

बीड (प्रतिनिधी) । जिल्ह्याच्या केज तालुक्यातील युसुफवडगाव पोलीस ठाण्याच्या हद्दीत ३५ वर्षीय विधवा महिलेवर लैंगिक अत्याचार झाल्याची गंभीर घटना उघडकीस आली आहे. या प्रकरणी ५७ वर्षीय व्यक्तीविरुद्ध गुन्हा दाखल करण्यात आला असून आरोपीला अवघ्या दोन तासात अटक करण्यात आली आहे.

मिळालेल्या माहितीनुसार, सावळेश्वर (पैठण) येथील मधुकर उर्फ मदन विश्वनाथ म्हस्के (वय ५७) याने पीडित महिलेला शेतातील भाजीपाला घेऊन जाण्याच्या बहाण्याने शेतात बोलावले. सकाळच्या सुमारास ती महिला शेतात गेली असता, एकटेपणाचा गैरफायदा घेत आरोपीने तिच्यावर जबरदस्तीने लैंगिक अत्याचार केला. तसेच या घटनेची कुणाला माहिती दिल्यास जीवे मारण्याची धमकीही दिल्याचे तक्रारीत फिर्यादीने नमूद आहे. या घटनेनंतर पीडितेने केज तालुक्यातील युसुफवडगाव पोलीस ठाण्यात आरोपी विरोधात तक्रार दाखल केली. त्यानुसार आरोपीविरुद्ध गुन्हा नं ३२६/२०२५ अंतर्गत भारतीय न्याय संहितेच्या संबंधित कलमान्वये गुन्हा दाखल करण्यात आला आहे.

LEAVE A REPLY

Please enter your comment!
Please enter your name here